Siaha Tlahpi lapi liata Motor Accident lia chysa pakha a thi

( Herald News ) : Zakhahnia(Saturday) za 8:30pm rahchho kha Siahatlah tawhta Tlaopi lapi liata Motor Car(Get) MZ-03-2770 cha apiepasi(accident) pata lapi mathi la 300mt rahchho ahluah ta, asu liata Pihno Lallenmawii(41) W/o Ramfangzauva, Siahatla  cha thi ta, Driver Lalrinpuia(18) S/o Rinthanga, New Siaha deikua hmaphao pata Siaha Thohna O, Civil Hospital liata moho nga hgaipa a cha.

He Motor apiepasipa he Puhpa H. Sangkhara, New Siaha eih cha ta,Driver Lalrinpuia he ama hnota a ypa a cha. Pachyhnoh he Motor zy mohpasia(check) khai ta, zala ta charei papua ta, Pihno Lallenmawii nata ti thai awpa ta sie eita, ti thai awpa  a yleipa vata tlahpi la tawhta ama za kuana liata apiepasipa hawta bie daopa ta a reih.

Pihno Lallenmawii ri he zahnia kha Police-zy ta ama Postmoterm khai tawhta ama chhokha hnota pie pata zahnia zala liana khata ari pasie hawpa a cha. He thina chochah liana heta Siaha Police Station liata cha pangiapa chata atahma he Police la tawhta hmo yzie alaichadai nga haipa a cha tahpa eima bie daopa ta a reih.

Source: Siaha Herald News