[Maravixion-News] Tari noh 4.feb.2011 liana khata DIC Hall, Siaha liata, ‘zo hnahthlak inpumkhatna” tahpa biepi hmapa ta seminar hneipa cha ta, he seminar he Chhimtuipui Academic of Letters (CAL), Lairam Academic of letters (LAL) nata Mizoram Academic of Letters (MAL) zy pachhuah panopa ta hneipa a cha.
Puhpa Lalrinliana Sailo , Minister, Health &FW etc.( Photo : DIPR )
He seminar liana heta, Puhpa Lalrinliana Sailo, Minister. Health & Family welfare Deptt. cha khichhailaipa cha ta, khichhai zachhipa cha ta, Puhpa S.Laldingliana, Parliamentary Secretary, Health & Family Welfare Deptt. Mawra zy hmapa a cha. Khichhailaipa chata, ‘Awnahnohpa nano nanopa liata a ypa cha hra eisila, Krista liata cha pokha eima cha pa hawta, keimo Mawra chho liata apahrapa chyhsa zydua pi he Maw Chi a pathlapa sai eima chapa vata kaototie liata lorao kawpa ta eima hria parao awpa he apeimawh hmeisei tapa ta Minister ta puapakhypa zy hnota a reih.
Seminar first session he Dr.Chawngkhuma Chawngthu, President CAL ta chhitha pa ta, daihti eihpa he Rev. F.Lallawmzauva, LIKK, Siaha bia tuhpa ta a hma. Report he Puhpa KH.Beithie secy. C.A.L Siaha, secy. L.A.L Lytai nata secy. M.A.L, joint hqrs Lolei zy tawta nathliepa a cha hra. 2nd session he Dr.Jangkhawngam Dougel, vice president LAL, Lytai ta chhitha pata, khichhai zachhipa Puhpa S.Laldingliana P.S Mawrah ta biereihna chyupa a hnei hra. Pino Laldinmawii Lytai ta paper present na hneipa ta, F.Chhawnmanga vice president, CAL Siaha ta puapakhypa zy hnota a lyna bie a reih hra. He daihti liana heta puapakhypa zyta reihpahmaona hnei eita, vice president, MAL joint hqrs, Lolei K.Darchhawna ta a chhitha. He daihti chho liana heta Ls. Siamkungi Siaha, Rochhingpuii Lytai nata Vuante-a Lolei zy ta hlasapa ta apuapakhypa zy ama palo pahaw.
Source : AwsicharU Marareih Daily News
0 comments: on "CAL Seminar lia Lalrinliana Sailo Minister Health ta a hlao khei"
Post a Comment