Eima hnohla ta thatih liana khata Laki khihsawzy ta ECM puasaipa ta Baptist Church of Maraland apaduahapazy cha lohraoh kawpa ta ECM nopawpazy ama zatly tawhta ECM Awhnanopa la ama vawngia pakhua khai haw.

ECM Moderator Rev. S.T. Zawsi nata Rev. C. Beima zy ta Laki khihsawzy he hata chhana liata zatly eita, hmo yziezy za reikhei eita, chatanachata Lakih khihsaw zydua ahmiala ta 'Baptist Church of Maraland' ava paduahapa zawpi zydua cha Evangelical Church of Maraland (ECM) lata ama vawkua pakhua khai haw, tahpa thatih eima dao.

Laki khisawzy ta ECM la ama vawkua khai khiahta cha Baptist Church of Maraland liata cha reikhita ta ama yba aw tahna alyu chai. Thatih siaviapa eima ha haino a cha.

Laki khihsawzy he thla hmiatuapa - Nawh (January) khata Dr. John Hamlet Hlychho ECM awnanopa liata pastor ta ordain awpazy nata ECM tawhta papuapa a chapa cha lapakhua awpa ta ahawna vaw tao eita, chahrasala ECM awnanopa ta aryh a tahlei vata ECM awnanopa puasaipa ta Dr. John Hamlet Hlychho cha awnano thiehpa 'Baptist Church of Maraland' liata General Secretary ta hmapa ta ama paduapa kha chata, atahma cha ECM lata ama vaw kua khai haw.

He hawhta acha hainona heta Dr. John Hamlet Hlychho cha foreign cheque pakheipa (fake) taona kyh liata atahna o (jail) liata a tah chyta, areileipa liata district court liata he cheque-zy araituhpazy ta pachapa Puhpa Pa-u nata Puhpa Beisa zy chhaota ama la heih aw.

Suto liata Marasawzy apohkhana chata thlah achhapa zydua thlahchhana Khazohpa ta achyheih hmeiseihpa ta ala. Aly achhih ngaita.

Source : Maraland.NET