SIAHA, Hmyhpi 7[Maravixion-News] - Zako ta Mizoram School Education siepahliepa ta Mizoram Education Mission Society mohohna ry liata Rashtriya Madamik Shiksha Abhiyan (RMSA) chata Siaha district liata ahria awpa ta written exam ama hneipa cha atliata khata result papuapa cha ta, he ary liata palasapazy he ama tloh:

District Co-ordinator (Common Intervention) - K. Malsawmdawngliana S/o K. Daochai, Siaha Vaihpi III (Chakhei).
Co-ordinator (Finance & Account) - Hunlawmawma S/o B. Lalnunmawii, New Colony, Siaha.
Asst. MIS - Lalneihkima S/o Lalhmingthanga, College Vaih, Siaha.
Dak Runner - V. Lalsangliana S/o V. Lalhmingliana, Bungtlang, Serchhip District.

St. K. Malsawmdawngliana (Dawnga) he eima hnoh la ta MPSC ta combined competitive exam result a phuahpa liana khata Junior Inspector of Co-operative Societies (JICS) liata topper chata lapa cha ta, RMSA Dist. Co-ordinator rai he pha kaw taraw ta contract basis a cha vata competitive exam hropazy taopa n'awpa maniah pabua theipa cha ta, a khei hawh viapa hema apazao awpa a cha tahpa ei no a raih kawna, tahpa ta maraland.net a chho. Cha hawhta, Satlia Hunlawmawma (Mahuna) chhao he rai hriana a hnei haipa cha hra ta, a noraih kaw hra tahpa eima dao.

RMSA he SSA hawhta achuna la ta hma eima sie thei nawpa sawkha laipa hmahlana cha ta, SSA heta Primary nata Middle School zy a vao ta, RMSA heta High School-zy avaopa a cha.

Source: maraland.net