[Maravixion-News] : Chief Minister Puhpa Lal Thanhawla tari 4.2.2011 kha New Delhi-lia Prime Minister, Dr. Manmohan Singh hmo ta,Mawra rairuna nata peimawhpazy tlokhei ta, NLUP so cha atlopi ta pie awpa ta a haw

Chief Minister heta Prime Minister hno ta NLUP cha ta atan a hranga (separate package) so pie awpa ta a haw taum, he he taotheileipa a cha leipa ta a y khiahta cha Mawra cha ta Annual Plan sie lymapa he a hlu viasyulyupa ta papo awpa bie a tai awpa ta a hawta Prime Minister chhao ta CM Hawla hmo a hawpa he pha a tah raopa ta, biehgneituhpazy la liata a byuna hawta asaohia awpa nata report pie awpa a cha zie a rei.

Puhpa Lal Thanhawla ta, Mawra ta sawkha raihriatuhpazy Central 6th Pay Commission hrupa ta hlao a pie vatazy, lei thata asawkha daiti liata a topa vazy nata, Non-Plan Expenditure a sâ vata so rairuna thata Mawra ta ahnei/aty haizie Dr. Singh hno ta a chho. He rairuna pahru awpa nata Non-Plan Expenditure lia a sosi awpa ta sawkha chhao ta a theina hawta hma a la haizie reipa tarairuna datlapi viapa akhokha awpa ta Special Non-Plan Grant ei kha chha pie awpa a haw.

Mawra chho lia National Highway taopathina chocha lia chhao CM Hawla chata Manmohan Singh reikhei heipa ta “Central sawkha ta tenderaw ta, Mawra leilo y da pahno pasia tloleipa ta tender achhytuhpazy achhyna rate ahnai viapazy a py tyhpa chapa cha raihriana liata a paty pamazie chhao a chho pa hei hra. He chocha liana heta state sawkha nata reikho awpa ta a haw hra. Hezy he a hlao tlotheileipa chhao ta Planning Commission chhao ta State Annual Plan for 2011-2012 cha ta EAP Component chhao pie cheingei awpa ta hmala khei awpa ta PM cha a haw hei hra.

Chief Minister bie a tlokheipa chi nano nanopazy he Prime Minister, Dr. Manmohan Singh chata vaw mo pasia ta, hlao tlo thei cheingei awpa ta a theina zydua papua hra awpa ta a chhuahzie a rei hra.

source: siaha herald news